தேவையானப்பொருட்கள்:
வெண்டைக்காய் - 10 முதல் 15 வரை
கடலை மாவு - 2 டேபிள்ஸ்பூன்
அரிசி மாவு - 1 டீஸ்பூன்
மிளகாய்த்தூள் - 1/2 டீஸ்பூன்
மஞ்சள் தூள் - ஒரு சிட்டிகை
சீரகத்தூள் - 1/2 டீஸ்பூன்
உப்பு - 1/2 டீஸ்பூன்
எண்ணை - பொரிப்பதற்கு தேவையான அளவு
செய்முறை:
வெண்டைக்காயை கழுவி துடைத்து விட்டு நீள வாக்கில் துண்டுகளாக நறுக்கிக் கொள்ளவும். நறுக்கியத் துண்டுகளை ஒரு அகலமான பாத்திரத்தில் போட்டு அத்துடன் மிளகாய்த்தூள், மஞ்சள் தூள், சீரகத்தூள், உப்பு, அரிசி மாவு, கடலை மாவு ஆகியவற்றைப் போட்டு கைகளால் நன்றாகக் கிளறி விடவும். தண்ணீர் சேர்க்க தேவையில்லை. வெண்டைக்காயின் பிசுக்குத் தன்மையிலேயே மாவு காயின் மேல் ஒட்டிக் கொள்ளும்.
ஒரு வாணலியில் எண்ணையைக் காய வைத்து, அதில் ஒரு கை வெண்டைக்காய் கலவையை எடுத்து தனித்தனியாக உதிர்த்து விடவும். மிதமான தீயில் அடுப்பை வைத்து பொன்னிறமாக பொரித்தெடுக்கவும்.
கருத்துகள் இல்லை:
கருத்துரையிடுக