அல்சரைப் போக்கும் அன்னாசி

 

பழங்கள் இயற்கையின் அருட்கொடைகள். இவற்றில் எண்ணிடலங்கா சத்துக்கள் நிறைந்துள்ளன. ஆரோக்கியம் நல்கும் பல பழங்களில் அன்னாசிப்பழமும் ஒன்று. குழந்தைகள் முதல் பெரியவர்கள் வரை அனைவரும் விரும்பி உண்ணும் பழம் இது. இனிப்புச் சுவையும், சற்றே புளிப்புச் சுவையும் கலந்த இதன் ருசி அலாதியானது.

100 கிராம் அன்னாசிப்பழத்தில் உள்ள சத்துக்கள்

சக்தி - 202 கலோரி
கார்போஹைட்ரேட் - 12.63ஞg
சர்க்கரை - 9.26 g
நார்ச்சத்து - 1.4 g
கொழுப்பு - 0.12 g
புரோட்டின் - 0.54g
தயமின் - 0.079 mg (6%)
ரிபோபுளோவின் - 0.631 mg
நியாசின் - 0.489 mg
பான்தோனிக் அமிலம் - 0.205 mg
வைட்டமின் பி6 - 0.110 mg
வைட்டமின் சி - 36.2 mg
கால்சியம் - 13 mg
இரும்பு - 0.28 mg
மக்னீசியம் - 12 mg
மாங்கனீசு - 0.28 mg

ப்ரோம்லின் (Bromelain)

அன்னாசிப் பழத்திலுள்ள ப்ரோம்லின் என்ற என்சைம்தான் அதனுடைய மருத்துவப் பயனுகளுக்கு காரணமாக அமைகிறது. இது நம் உடலில் பலவிதங்களில் செயல்படுகிறது. ஒன்று செரிமானத்திற்கு, இரண்டாவது காயங்களை ஆற்றுவதற்கு.

மாங்கனிசு (Manganese)

அன்னாசியில் அதிகளவு மாங்கனிசு சத்து உள்ளது. இது எலும்புகளின் சீரான வளர்ச்சிக்கு அத்தியாவசியமானது. மேலும் புண்களை விரைவில் குணமாக்கும். நன்கு ஆரோக்கியமாக வைக்க உதவும். மேலும், நோய் எதிர்ப்பு சக்தியை அதிகப்படுத்தும். அதனால் எந்த நோயும் விரைவில் அணுகாதவாறு பாதுகாக்கும்.

வைட்டமின் சி (Vitamine C)

இந்தச் சத்து அன்னாசியில் அதிகம் நிறைந்துள்ளது. இது திசுக்கள் நம் உடலில் விரைவில் வளர்வதற்கு உதவுகிறது. எலும்புகளில் உள்ள கொலஜன் ((Collagen)என்ற பொருள் உருவாவதற்குத் தேவையானது. சாதாரண இருமல், சளி போன்றவற்றில் இருந்து நம்மைப் பாதுகாக்கக் கூடியது. மேற்கூறிய பொருட்கள் அன்னாசியில் அதிகளவில் உள்ளதால் அதனுடைய மருத்துவப் பயன்கள் ஏராளம்.

காயங்களை விரைவில் ஆற்ற

காயங்களையும், ரத்தக் கட்டுகளையும் உடைக்கும் சக்தி அன்னாசிக்கு உண்டு. மேலும், தொண்டையில் ஏற்படும் ரணங்களையும் ஆற்றும் தன்மை அன்னாசிக்கு உள்ளது என்பதை ஹவாய் தீவு மருத்துவப் பல்கலைக்கழக ஆய்வில் கண்டு பிடித்துள்ளனர்.

மல்யுத்த வீரர்களுக்கு சிறந்த பலம் தரும் பழம் அன்னாசி. காரணம், மல்யுத்தத்தில் முகத்திற்கு அருகே கண் ஓரத்தில் குத்துப்படும் காயங்களை விரைவில் குணப்படுத்துமாம்.

கண்ணோய் வராமல் காக்க

வைட்டமின் பி1 (தையாமின்) மற்றும் மாங்கனிசு அன்னாசியில் அதிகம் இருப்பதால் கண்ணுக்கு நல்ல ஆரோக்கியத்தைக் கொடுக்கிறது. வயதாவதினால் ஏற்படும் கண் சம்பந்தப்பட்ட வியாதிகளை இப்பழத்தை உண்பதால் தடுக்க முடியும்.

தைராய்டு சுரப்பி வீக்கம் அதாவது எணிடிtஞுணூ போன்ற நோய் வராமல் அன்னாசிப்பழம் நம்மைப் பாதுகாக்கும்.

அஜீரணக் கோளாறு நீங்க

சிலருக்கு நாட்பட்ட அஜீரணம், ஏப்பம், சாப்பிட்டவுடன் வயிறு மேலெழும்பி வலித்தல், விக்கல் போன்ற தொல்லைகள் இருக்கும். இவர்கள் அன்னாசியைத் தொடர்ந்து சாப்பிட்டால் இந்த தொல்லைகள் அனைத்தும் தீரும்.

சுவாசப் பையில் ஏற்படும் அழற்சி நோய் அன்னாசிப்பழம் சாப்பிடுவதால் குறைகிறது என்று தற்போது விஞ்ஞானிகள் கண்டுபிடித்துள்ளனர்.

அன்னாசியில் உள்ள கால்சியம், மாங்கனிசு, வைட்டமின் சி பொருட்களால் வயதானவர்களுக்கு ஏற்படும் எலும்பு பலம் இழப்பதைத் தடுக்க முடியும். எலும்புகள் வலுப்பெற உதவும்.

நோய் எதிர்ப்பு சக்தி அதிகரிக்க

வைட்டமின் சி மற்றும் “ஆன்டி ஆக்சிடண்ட்” அதிகளவில் அன்னாசியில் உள்ளதால் நோய் எதிர்ப்பு சக்தி அதிகரிக்கிறது. சாதாரண இருமல், சளி போன்றவை ஏற்படாமல் தடுக்கிறது.

குடல் புழுக்கள் நீங்க

குடல் புழுக்களை அழிக்கும் சக்தி அன்னாசிக்கு உண்டு. இதனால் அன்னாசி கிடைக்கும் காலங்களில் குழந்தைகளுக்கு தவறாமல் கொடுத்து வந்தால் குடல் புழுக்கள் அழிந்து பிள்ளைகள் நன்கு பசியெடுத்து சாப்பிட முடியும். மேலும், உண்ட உணவின் சத்துக்களும் தங்குதடையின்றி உடலில் சேரும்.

மலச்சிக்கல் நீங்க

உடலில் தோன்றும் வியாதிகளுக்கு முழுமுதற் காரணமான மலச்சிக்கல் அன்னாசி சாப்பிட்டால் உடனே நீங்கும்.

நோயில்லாத வாழ்வு வாழ அன்னாசிப் பழத்தை உண்டு அதன் பலன் முழுவதையும் அனுபவிப்போம்.

கர்ப்பிணிப் பெண்களுக்கு காமாலை நோய்

கர்ப்பிணிப் பெண்களுக்கு காமாலை நோய் தாக்கம் பல காரணங்களால் வருகிறது. அதில் உணவு பழக்க வழக்கத்தாலும் மனக் கவலையாலும் உண்டாகும் பாதிப்புகளை சென்ற இதழில் கண்டோம். பிற காரணங்களால் ஏற்படும் மஞ்சள் காமாலை என்ன என்று பார்ப்போம்.

கர்ப்பமுற்றிருக்கும்போது தாய்க்கு காமாலை வருவது என்பது மிக அரிதாக நடக்கக் கூடியதாயிருந்தாலும் அதனுடைய விளைவுகள் மிகவும் கடுமையானதாக தாய்க்கும் சேய்க்கும் அமைகிறது. வைரஸ் கிருமியால் ஏற்படும் மஞ்சள் காமாலை மிகவும் மோசமான விளைவுகளை தாய்க்கும் சேய்க்கும் ஏற்படுத்துகிறது. Hepatitis GB என்னும் வைரஸ் கிருமியால் மஞ்சள் காமாலை ஏற்படுகிறது. Hepatitis A, B,C,D & E என்று பல வகைகள் உள்ளன. வளர்ந்த நாடுகளில் 0.1 சதவீதம் கர்ப்பிணிப் பெண்கள் மஞ்சள் காமாலையால் பாதிக்கப் படுகிறார்கள். வளரும் நாடான நம் நாட்டில் 3-20 சதவீதம் வரை மஞ்சள் காமாலை நோயால் கர்ப்பமுற்ற பெண்கள் பாதிக்கப்படுகின்றனர். இதில் Hepatitis E வைரஸ் தாக்குதலுக்கு ஆளாகும் பெண்களில் 10--20 சதவீதம் பேர் உயிரிழப்புக்கு ஆளாகின்றனர்.

இதிலிருந்து நாம் அறிய வேண்டியது, எவ்வாறு கர்ப்பிணிப் பெண்களை நோய்க் கிருமி தாக்குதலில் இருந்து பாதுகாக்க வேண்டும், மேலும் நோய் தாக்குதல் வந்தால் எவ்வளவு விரைந்து செயல்பட்டு மருத்துவம் செய்ய வேண்டும் என்பதே.

முதலில் நோய் தாக்குதலுக்கு உள்ளான கர்ப்பிணியை சுகாதாரமான சூழலில், தனிமையில் இருக்கச் செய்ய வேண்டும். இது மற்றவர்களுக்கு இந்த நோய் தொற்றாமல் தடுத்துவிடும்.

அவர்களுக்கு சரியான அளவில் நீர்ச்சத்து மற்றும் ஊட்டச்சத்து கிடைக்கக்கூடிய அளவில் உணவுகளைக் கொடுத்து பராமரிக்கவேண்டும்.

அந்தந்த வைரஸ் கிருமி தாக்குதலுக்கு தக்க தடுப்பூசி (vaccine) மற்றும் இம்முனோகுளோபுலின் (Immuneglobulin) கொடுக்கப்பட வேண்டும்.

தாய்மார்கள் கருவுற்றிருக்கும் முதல் மூன்று மாத கால கர்ப்ப காலத்தில் Hepatitis B வைரஸ் ரத்தத்தில் உள்ளதா என்று அறியப்பட வேண்டும். அப்படி இருந்தால் அந்த பெண்ணுக்கு US Hepatitis B Immunoglobulin பிரசவம் ஆனவுடன் போடப்படவேண்டும். Hepatitis B தடுப்பூசி பிரசவம் ஆன 1 வார காலத்தில் ஒன்றும், மீண்டும் 1 மாத காலத்தில் ஒன்றும், பின் 6 மாத காலத்தில் ஒன்றும் கொடுக்கப்பட வேண்டும். அப்படி கொடுக்கப்பட்டால்தான் குழந்தைக்கு அந்த நோய் பரவாமல் தடுக்க முடியும்.

தாயிடம் இருந்து இந்த வைரஸ் தொற்று குழந்தைக்கு முதல் மூன்று மாத கர்ப்பகாலத்தில் மிகவும் அரிதாகவும், இரண்டாவது மூன்று மாத கர்ப்ப காலத்தில் 6 சதவீதமாகவும், கடைசி மூன்று மாத கர்ப்பகாலத்தில் 67 சதவீதமாகவும் தொற்றிக் கொள்கிறது.

இந்த வைரஸ் தொற்று இல்லாமல் சில சமயம் கர்ப்பிணி பெண்களிடம் மஞ்சள் காமாலை தென்படும். அதற்குக் காரணம் பித்தப்பையில் கற்கள் உருவாகுதல் ஆகும். இந்த கற்கள் ஓரளவிற்கு மேல் பெரிய அளவில் உருவாகும்போது பித்தப்பை வாயை அடைத்துவிடுவதால் மஞ்சள் காமாலை ரத்தத்தில் தென்படும். இதனோடு வலதுபக்க வயிற்றுப் பகுதியில் தாங்கமுடியாத வலியும் இருக்கும். இப்படிப்பட்ட சமயங்களில் ஒருசில நேரம் அறுவை சிகிச்சை செய்து கல்லை அகற்ற வேண்டிவரும்.

கர்ப்பிணிப் பெள்களுக்கு 5-6 மாத காலத்தில் உடலில் எல்லா இடங்களிலும் அரிப்பும் அதனோடு ரத்தத்தில் பித்த நீர் அளவு ( (Bile Acid) அதிகரிக்கும். அரிப்புடன் சில நேரம் ரத்தத்தில் Hepatitis அளவும் அதிகரிக்கும்.

மஞ்சள் காமாலை என்ன காரணம் கொண்டு ஏற்படுகிறது என்பதை பலவித சோதனைகள் மூலம் கண்டறிந்து அதற்கு தக்க மருத்துவம் செய்வது நன்று. ஆனால் பொதுவான சில உணவு முறைகளை மஞ்சள் காமாலை கண்ட தாய்மார்கள் பின்பற்ற வேண்டும்.

வருமுன் காப்பது நல்லது. அதனால் கர்ப்பம் தரிக்கும் முன்னாகவே ஏஞுணீச்tடிtடிண் தடுப்பூசி போட்டுக் கொள்ள வேண்டும்.

கொழுப்புச்சத்து நிறைந்த வெண்ணெய், நெய், எண்ணெய் பொருட்கள் நிறைந்த உணவுப் பண்டங்களை சாப்பிடக்கூடாது.

மிகுந்த காரமான உணவு, ஊறுகாய், அப்பளம் போன்றவற்றைத் தவிர்க்க வேண்டும்.

காபி, டீ மற்றும் அசைவ உணவு வகைகளை தவிர்க்க வேண்டும்.

கர்ப்பகாலத்தில் முறையான Antenatal Check up செய்து தன்னையும் குழந்தையும் காப்பாற்றிக் கொள்ள வேண்டும்.

பெண்களை பாதிக்கும் மெனோபாஸ்..

 

ஒரு பெண்ணுக்கு மாதவிடாய் நிற்கும் காலத்தில் ஏற்படும் உடல் மற்றும் மனம் சார்ந்த மாற்றங்கள் ஏராளம். மாதச் சுழற்சி நிற்கும் இந்த காலத்தை மெனோபாஸ் என்று பெயரிட்டு அழைக்கிறோம்.

வேதம் பெண்ணை அக்னியின் சொரூபமாகவே பார்க்கிறது. ஏனெனில், oestrogen என்ற பெண் ஹார்மோன் அக்னிக்கு சமமான துல்லியமான குணங்களை உடையது. இதே போல் Testosterone என்ற ஆண் ஹார்மோன் ‘÷-ஸாமம்’ என்ற குணம் கொண்டது. இந்த oestrogen சினைப்பை (ovary)-ல் உற்பத்தி ஆகிறது. பெண்கள் பூப்படையும் 10-12 வயதுக்கு இது நன்கு சுரக்க ஆரம்பித்து அதனுடைய வேலையை தவறாமல் மாத மாதம் செய்வதால்தான் அவள் சரியான மாதவிடாய் சுழற்சியை பெற முடிகிறது. பின் 45-50 வயது ஆகும்போது சினை முட்டைகளின் செயல்பாடு குறைவதால், அதனுடைய சுரப்புத் தன்மை குறைகிறது. அந்த நேரத்தில் மாதவிடாய் சுழற்சி தடைபட ஆரம்பிக்கிறது.

இந்த காலம் பெண்களின் முக்கியமான காலமாக கருதப்படுகிறது. இது ஒரு இயற்கையான நிகழ்வுதான் என்றாலும் இதனால் உடலளவிலும், மனதளவிலும் அவதிப்படும் பெண்கள் தற்போது ஏராளம்.

பெண்கள் குழந்தைகளாக இருக்கும்போது கபம் மேலோங்கி இருக்கும். பருவ வயதில் பித்தம் மேலோங்கி இருக்கும். 40-45 வயதுக்குப் பிறகு உடலில் வாதத்தன்மை அதிகரிக்கும். பித்தத்தின் வயதிலிருந்து வாதத்தின் வயதுக்குச் செல்லும் காலமே, மாதவிடாய் நிற்கும் காலமாகிறது.
இந்த காலத்தில் உடல் ரீதியாக பல மாற்றங்கள் நிகழ்கின்றன. அதில் முக்கியமான ஒன்று ஹாட்ஃப்ளாஸ்கள் (Hot splash) தானாக உடலின் ஒரு சில பகுதிகளில் உஷ்ண உணர்வு தென்படும். அதுவே மறைந்துவிடும். இது சாதாரணமாக ஒன்று முதல் ஐந்து வருடங்கள் வரை காணப்படலாம். இதற்கான முக்கியக் காணம் ஹார்மோன்களின் ஏற்றத் தாழ்வுகளும் ரத்த நாளங்கள் விரிவடைவதும் தான்.

ஒரு சிலருக்கு அதிகமான வியர்வை ஏற்படலாம். இரவு நேரங்களில் அதிகமாக வியர்த்துக் கொட்டுவதால் உறக்கம் பாதிக்கப் படலாம். தலை சுற்றல், கை கால்கள் மரத்துப் போதல், இருதயப் படபடப்பு, உடல் எடை கூடுதல், பெண் உறுப்பில் வறட்சித்தன்மை, சிறுநீர் கழிக்கும்போது எரிச்சல் போன்ற பல இடர்பாடுகள் ஏற்படலாம்.

ஒரு சிலருக்கு இந்த இடர்பாடுகள் ஏற்படாமலும் இருக்கலாம்.

கவனிக்க வேண்டிய இடர்பாடுகள் சில

· இருமும்போதும் தும்மும்போதும் சிறுநீர் கசிதல் (Stress incontinence)

· எலும்புத் தேய்மானம் (Osteoporosis) உடலில் ஈஸ்ட்ரோஜன் குறைவதால் எலும்பின் கெட்டித்தன்மை குறைந்து பலம் குறையும். அதனால் மூட்டுகளில் வலி கால் எலும்புகளில் வலி போன்றவை ஏற்படும்.

· ஈஸ்ட்ரோஜன் உடலில் நன்கு வேலை செய்யும் காலத்தில் உடலில் கொழுப்புச் சத்து சேர விடாது. அதனுடைய அளவு குறையும் காலத்தில் உடலில் கொழுப்பு சேர ஆரம்பிக்கும். இதனால் உடல் எடை கூடும். மேலும், இருதய சம்பந்தமான நோய்கள் எளிதாக தாக்கக்கூடும்.

· மன சஞ்சலங்கள் அதிகமாக இருக்கும். மன அழுத்தம், சோகம், மன பரபரப்பு, எரிச்சல், அசதி போன்ற இடர்பாடுகள் அதிகமாக தென்படும்.

இந்த இடர்பாடுகளில் இருந்து நம்மை தற்காத்துக்கொள்ள முடியுமா?

முடியும்.. எப்படி?

சில வாழ்வியல் மாற்றங்களை மெனோபாஸ் காலத்தில் மேற்கொள்வதன் மூலம் இத்தகைய தொந்தரவுகளில் இருந்து விடுபடலாம்.

உணவு முறை

· மிக எளிதாக சீரணிக்கத்தக்க உணவுகளை நேரம் தவறாமல் உண்ணுதல் வேண்டும்.

· எண்ணெயில் பொரித்த உணவுப் பொருட்களை அறவே தவிர்த்தல் வேண்டும்.

· மசாலா நிறைந்த உணவு வகைகளைத் தவிர்க்க வேண்டும்.

· நீண்ட பட்டினி, உபவாசம் இருப்பதைத் தவிர்க்க வேண்டும்.

· காலையில் சரியான நேரத்தில் சிற்றுண்டி, மதியம் காய்கள் கீரைகள் கலந்த அளவுடன் ஆன உணவு, இரவு அரை வயிறு மட்டுமே நிரம்பக்கூடிய எளிதில் சீரணமாகக்கூடிய உணவுப் பழக்கத்தை கடைப்பிடிக்க வேண்டும்.

· நொறுக்குத் தீனிகளை அறவே தவிர்த்துவிட வேண்டும்.

· காபி, டீ, அளவுடன் அருந்த வேண்டும்.


உடற்பயிற்சி

நடைபயிற்சி இதில் மிகவும் முக்கிய பங்கு வகிக்கிறது. தினமும் காலை சூரிய உதயத்திற்கு முன்பு எழுந்து 45 நிமிடம் முதல் 1 மணி நேரம் வரை நடைபயிற்சி செய்யலாம்.

நல்ல காற்றோட்டம் கிடைக்கக்கூடிய பூங்காக்களிலோ, அல்லது கடற்கரை சாலைகளிலோ நடைபயிற்சி செய்யலாம் .

யோகப் பயிற்சி மனசு சம்பந்தப்பட்ட பிரச்சனைகளுக்கு ஒரு நல்ல நிவாரணம் அளிக்கிறது. தியானம், மனதில் ஏற்படும் தேவையில்லாத எண்ணங்களை வெளியேற்றுகிறது. இதனால் மனது லேசாகி, எதையும் தெளிவுடன் அணுக முடிகிறது. மேலும் இருதய சம்பந்தமான நோய்களிலிருந்தும் விடுபட வைக்கிறது.

மன அழுத்தத்தைக் குறைக்க மனதிற்கு இனிய இசைகளைக் கேட்கலாம்.

40 வயதில் இருந்து பெண்கள் இத்தகைய வாழ்வியல் மாற்றங்களை சரியான முறையில் கடைப்பிடித்தால் மெனோபாஸ் என்ற அந்த காலத்தை மிகச்சிரமங்களுடன் சந்திக்க வேண்டிய அவசியமில்லை. மிகவும் சந்தோஷமாகவே ஏற்றுக்கொள்ளலாம்.

லேப்டாப் கவனம்

இன்னும் சில மாதங்களில், தமிழ்நாட்டில் லட்சக்கணக்கான மாணவர்களின் கரங்களில் லேப்டாப் கம்ப்யூட்டர் தவழப் போகிறது. பள்ளிகளில் இறுதி நிலையில் பயிலும் இவர்களின் வாழ்க்கையில் நிச்சயமாய் இவை ஒரு புதிய வாழ்க்கைத் திருப்பத்தை ஏற்படுத்தப் போகிறது என்றால், அது மிகையாகாது.
பொதுவாக லேப்டாப் கம்ப்யூட்டர் பயன்படுத்தப்படக் கூடிய வாழ்நாள், பெர்சனல் கம்ப்யூட்டரைக் காட்டிலும் சற்றுக் குறைவு என்றாலும், நாம் சற்றுக் கூடுதல் கவனம் எடுத்துக் கொண்டால், அதன் வாழ்நாளை நீட்டித்து, அதிக பட்ச பயன்களை அடையலாம். கீழே குறிப்பிட்டுள்ள நடவடிக்கைகளை மேற்கொள்வதன் மூலம், லேப்டாப் கம்ப்யூட்டரை வேகமாக இயங்கச் செய்திடலாம்.

1. டிபிராக்: வாரம் ஒருமுறையேனும், உங்கள் லேப்டாப் கம்ப்யூட்டரை டிபிராக் செய்திடுங்கள். கம்ப்யூட்டர் உங்கள் பைல்களை, ஹார்ட் டிஸ்க்கில் பதிகையில், அவற்றைப் பல துண்டுகளாக்கி, ஆங்காங்கே பதித்து வைக்கும். டிபிராக் செய்திடுகையில், இந்த துண்டுகள் அனைத்தையும், கம்ப்யூட்டர் ஒரே இடத்தில் தொடர்ச்சியாக வைக்கிறது. இதனால், இந்த பைல்களைப் படிக்க லேப்டாப் அதிக சிரமப்படத் தேவை இல்லை. செயல்படும் நேரமும் குறையும்.

2. ரெஜிஸ்ட்ரி கிளீன்: விண்டோஸ் இயக்கத்தின் அடிப்படை கோப்பாக அமைவது ரெஜிஸ்ட்ரி. இதில் நாம் பதியும் புரோகிராம்களை இயக்குவதுகுறித்த குறியீடுகள் எழுதப்படும். இந்த புரோகிராம்களை எடுத்த பின்னரும், ரெஜிஸ்ட்ரியில் அந்த குறியீடுகளின் சில பகுதி தங்கிவிடும். இவையும் லேப்டாப் இயக்கத்தை மந்தப்படுத்தும். எனவே ரெஜிஸ்ட்ரியை அவ்வப்போது கிளீன் செய்திடும் புரோகிராம்களைக் கொண்டு சுத்தப்படுத்த வேண்டும்.

3. ஹார்ட் ட்ரைவின் சுமை: மியூசிக், பொழுதுபோக்கு, படங்கள், வீடியோக்கள் எனப் பலவகையான பைல்கள் ஹார்ட் டிஸ்க்கில் நாம் குவித்துக் கொண்டே போவோம். அதே போல சிறிய புரோகிராம்களை, ஓரிரு முறை பயன்படுத்தவதற்காகப் பதிந்துவிட்டு நீக்காமலே இருப்போம். இவை எல்லாம் ஹார்ட் டிஸ்க்குக்குச் சுமையை அளிக்கும். டிஸ்க் இயங்கும் நேரத்தை நீட்டிக்கும். எனவே தேவையற்ற பைல்களையும், புரோகிராம்களையும் நீக்க வேண்டும்.

4. வைரஸ் பாதுகாப்பு: எந்த நேரமும், எவ்வழியிலும் வைரஸ் மற்றும் பிற கெடுதல் விளைவிக்கும் புரோகிராம்கள் உங்கள் லேப்டாப்பிற்குள் நுழையலாம். எனவே வைரஸ்களிலிருந்து உங்கள் கம்ப்யூட்டரைப் பாதுகாக்கும் ஆண்ட்டி வைரஸ் புரோகிராம் ஒன்றைக் கட்டாயம் நிறுவ வேண்டும். அதனை அவ்வப்போது அப்டேட் செய்திட வேண்டும். அடிக்கடி முழுமையாக இயக்கிக் கம்ப்யூட்டரை சோதனை செய்திட வேண்டும். இதனை குறிப்பிட்ட கால இடைவெளியில் தாமாக இயங்கி, லேப்டாப்பினைச் சோதனை செய்திடும் வகையிலும் செட் செய்திடலாம்.

5. ரீசைக்கிள் பின்: நாம் நீக்கும் பைல்கள் ரீ சைக்கிள் பின்னில் தங்குகின்றன. நம்மை அறியாமல் அழித்துவிட்டால், பின்னர் மீண்டும் அவற்றைப் பெற்றுக் கொள்ள விண்டோஸ் இந்த ஏற்பாட்டினைக் கொண்டுள்ளது. இருப்பினும், ஒரு பைல் அழிக்கப்பட்ட பின்னரும் தேவையா என்பதை நாம் உடனே அறிந்து கொள்ள முடியும். எனவே ரீசைக்கிள் பின்னில் உள்ள நீக்கப்பட்ட பைல்களை, அதிலிருந்தும் நீக்க வேண்டும்.

6. தற்காலிக இணைய பைல்கள்: இன்டர்நெட்டில் நாம் தளங்களைப் பார்க்கும்போது, அவை சார்ந்த பல பைல்கள், தற்காலிக பைல்களாக நம் லேப்டாப்பில் சேவ் செய்யப்படும். இவை அனைத்தையும் உடனுடக்குடன் நீக்க வேண்டும்.

  

7.தேவையற்ற ஸ்டார்ட் அப் புரோகிராம்கள்: கம்ப்யூட்டர் ஸ்டார்ட் ஆகும் போதே, சில புரோகிராம்கள் இயங்கத் தொடங்கும். நாளடைவில் நமக்குத் தேவைப்படாத, அல்லது சில நாட்கள் மட்டும் தேவைப்பட்ட புரோகிராம்களும் இயங்கியவாறே இருக்கும். இவற்றை நீக்குவது, கம்ப்யூட்டர் வேகமாக இயங்க வழி வகுக்கும்.

 

8. கூல் கூல்: உங்கள் லேப்டாப் கம்ப்யூட்டரை, உங்கள் படுக்கை, சோபா, குஷன் ஆகியவற்றின் மீது வைத்து இயக்க வேண்டாம். லேப்டாப்பில் உருவாகும் வெப்பம் சுதந்திரமாக வெளியேற வேண்டும். இப்போது இதற்கெனவே சிறிய ஸ்டாண்டுகள் கிடைக்கின்றன. இவற்றை வாங்கி, அதன் மீது வைத்துப் பயன்படுத்துவது, வெப்பத்தை வெளிச் செலுத்த உதவும். இதனால், லேப்டாப்பின் பாகங்கள் விரைவில் கெட்டுப் போவது தடுக்கப்படும்.

கணணியில் பணிபுரிபவர்களின் கவனத்திற்கு

பெரும்பாலான அலுவலகங்களில் பணி நேரம் முழுக்க ஒரு நாற்காலியிலேயே கட்டுண்டு கிடக்க வேண்டியதாகி விடுகிறது.
இதனால் தேவையான உடல் உழைப்பு இல்லாமல் போவதால் டென்ஷன், முதுகு வலி, அஜீரண கோளாறு என்று
வரிசை கட்டும் பிரச்சினைகள் ஏராளம். இவற்றைச் சரிசெய்து கொள்ள கடைபிடிக்க வேண்டியவைகள்:

1. காலையில் அலுவலகத்துக்கு வந்து உங்கள் இடத்தில் அமர்ந்ததும், வேலையைத் தொடங்குவதற்கு முன் ஒரு நிமிடம் கண்களை மூடி அமர்ந்து மனதை ரிலாக்ஸ் செய்து கொள்ளுங்கள். அதன் பிறகு வேலையைத் தொடங்கினால் சுறுசுறுப்பாக உணர்வதுடன் உங்களின் காலை நேரப் பதற்றமும் குறையும்.

2. நீங்கள் உபயோகிக்கும் நாற்காலி உங்கள் உடல் வெப்பத்தை வெளியேற்றும் வகையில் துளைகள் உள்ளதாக இருக்க வேண்டும். அவ்வாறு துளைகள் இல்லாத நாற்காலிகளைப் பயன்படுத்தினால் ஒரு துண்டை நான்காக மடித்துப் போட்டு அதன் மீது அமருங்கள்.
சில மணி நேரங்களில் உங்கள் உடலின் வெப்பம் அதில் இறங்கிய பின் அதன் மடிப்பை மாற்றிப் போட்டு அமருங்கள்.

3. முதுகை வளைத்து கூன் போட்டு உட்காராமல், நன்கு நிமிர்ந்து நாற்காலியில் முதுகு படும்படி உட்காருங்கள். கால்களை தரையில் வைப்பதைவிட சற்று உயரமான ஒரு சப்போர்ட் கொடுத்து வைத்துக் கொண்டால் முதுகுவலி ஏற்படுவதைத் தவிர்க்கலாம்.

4. பல மணி நேரம் தொடர்ந்து ஒரே இடத்தில் அமர்ந்திருப்பதால் தசைப்பிடிப்பு ஏற்படும். எனவே அவ்வப்போது கை, கால்களை நீட்டி மடக்குவது, தலையை நாலாபுறங்களிலும் சாய்த்துக் கொள்வது போன்ற செயல்களைச் செய்யுங்கள்.
கூடவே தண்ணீர் குடிப்பது, முகத்தைக் கழுவுவது, அருகில் சிறிது தூரம் நடந்து விட்டு வருவது என்று ஒரு மணி நேரத்திற்கு ஒருமுறை உடலுக்கு ஏதாவது இயக்கம் கொடுங்கள்.
தினமும் உடற்பயிற்சி செய்யும் பழக்கம் இல்லை என்றால் குனிந்து கைகளால் பாதத்தை தொடுவது, இடுப்பில் கை வைத்துக் கொண்டு பின்புறம் வளைவது, இடது மற்றும் வலது புறம் சாய்வது போன்ற எளிமையான பயிற்சிகளை சில நிமிடங்கள் செய்யுங்கள். இதனால் உடலில் ரத்த ஓட்டம் சீராக இருக்கும். தசைப் பிடிப்பும் விலகும்.

5. கணணி முன் வேலை செய்யும் போது எப்போதும் ஸ்கிரீனையே பார்த்துக் கொண்டிருப்பதால் தான் கண்களில் எரிச்சல் ஏற்படும். இதைத் தவிர்க்க அலர்ச்சியாகத் தோன்றும் போதெல்லாம் சில விநாடிகள் கண்களை மூடி அந்தக் கையின் மேல் மற்றொரு கையையும் வைத்து முடிக் கொள்ளுங்கள்.
இதனால் கண்களுக்கு சில நொடிகள் அடர்ந்த இருட்டுக் கிடைக்கும். இது அதிக ஒளியினால் ஏற்படும் சோர்வை விலக்கும். தவிர கண்களை மேலும் கீழுமாக, முன்னும் பின்னுமாக சுழற்றுகிற எளிமையான பயிற்சிகளையும் செய்யலாம். "ஆன்ட்டி ரேடியேஷன் கிளாஸ்" ஐ கணணித் திரையில் பொருத்துவதும் ஒளியினால் கண்கள் எரிச்சலடைவதைத் தடுக்கும்.

6. உடல் உழைப்புக் குறைவாக இருப்பதால் மாலை நேர சிற்றுண்டிக்கு எண்ணெய் பதார்த்தங்களைத் தவிர்ப்பது அஜீரணக் கோளாறுகளைத் தடுக்கும். அதற்கு பதில் அவல், அவல் புட்டு, பிரெட் சாண்ட்விச், பழக்கலவை, சுண்டல், சன்னா மசாலா, முளை கட்டிய பயிறு, பொரி, மசாலா பொரி, வேர்க்கடலை, பட்டாணி போன்றவற்றை சாப்பிட்டால் எளிதில் ஜீரணமாவதுடன் அதில் உள்ள வைட்டமின்கள் உடலுக்கும் அதிக சக்தி கொடுக்கும்.

7. இரவு வெகு நேரம் தூங்காமல் கண் விழித்து வேலை செய்வதாலும் அஜீரணக் கோளாறு ஏற்படும். இதனால் மறுநாள் காலை மலம் கழிக்க முடியாமல் சிரமப்படுவார்கள். இதைத் தவிர்க்க மாலை நேரத்தில் நாட்டு சர்க்கரை சேர்த்த அவல் அல்லது காய்ந்த திராட்சை அல்லது பப்பாளிப்பழம் சாப்பிடலாம். கூடவே நிறைய தண்ணீரும் குடிக்க வேண்டும். இதனால் அஜீரண கோளாறுகள் வெகுவாகக் குறைவதுடன் உடலின் வெப்பநிலையும் சீராக இருக்கும்.

பென்ட்ரைவை(Pen drive) பாதுகாக்க சிறந்த நான்கு மென்பொருட்கள்

 

பென்ட்ரைவ் என்பது இப்பொழுது கணினி உபயோகிப்பவர்கள் அனைவரும் உபயோகித்து கொண்டு இருக்கும் ஒரு பொருள் இதன் மூலம் நமக்கு தேவையான கோப்புகளை சேமித்து கொண்டு மற்றவர்களுக்கோ அல்லது வேறொரு கணினியில் பதியவோ உபயோகபடுத்த படுகிறது. இந்த பென்ட்ரைவ்கள் என்ன பிரச்சினை என்றால் இதில் எளிதில் வைரஸ் பரவும் பாதிப்பு உள்ளது. ஆகையால் நம் கணினிக்கும் வைரஸ் பரவி விடுகிறது. இதிலிருந்து நம் பென்ட்ரைவ் பாதுகாக்க சிறந்த நான்கு மென்பொருட்களை கீழே கொடுத்துள்ளேன்.

1. USB WRITE PROTECTOR :

இந்த மென்பொருள் உங்களுடைய பென்ட்ரைவ்களில் உள்ள கோப்புகளை மற்றவர்கள் படிக்க மட்டுமே அனுமதிக்கும். இந்த கோப்புகளை அவர்கள் திருத்துவதற்கு இந்த மென்பொருள் அனுமதிக்காது. இதனால் உங்கள் பென்ட்ரைவ் நீங்கள் யாருக்கு வேண்டுமென்றாலும் பயப்படாமல் கொடுத்து அனுப்பலாம். மற்றும் வைரசினால் இந்த

பென்ட்ரைவ்களை கண்டறிய முடியவில்லை. இந்த மென்பொருள் மிக சிறிய அளவே(190KB) உடையது.

2. USB FIREWALL :

பென்ட்ரைவ் உபயோகிக்கும் பெரும்பாலானோர் உபயோகிக்கும் மென்பொருள். USBயில் இருந்து கணினிக்கு வைரஸ் பரவாமல் இருக்க பயன் படுகிறது. இதை DOWNLOAD செய்து இயக்கியவுடன் இந்த மென்பொருள் உங்கள் கணினியின் பின்பக்கத்தில் வேலை செய்து கொண்டிருக்கும். ஏதேனும் வைரஸ் உங்கள் கணினியில் புக முயற்சிக்கும் போது இந்த இந்த மென்பொருள் நமக்கு எச்சரிக்கை கொடுக்கிறது. நன்றாக வேலை செய்கிறது.

3. PANDA USB VACCINATION TOOL :

பாண்டா நிறுவனம் வழங்கும் இலவச மென்பொருளாகும். இந்த மென்பொருளை நம் கணினியில் நிறுவினால் பென்டிரைவில் உள்ள autorun.inf பைலை முற்றிலுமாக தடைசெய்கிறது. உங்கள் பென்டிரைவில் தானே இயங்கும் வசதி தடுக்கபடுவதால் வைரஸ் பரவும் வாய்ப்பு முற்றிலுமாக குறைகிறது. இந்த மென்பொருளுக்கு நமக்கு தேவையான சார்ட்கட் தேர்வு செய்யும் வசதியும் உள்ளது.

4. USB GUARDIAN :

இந்த மென்பொருள் உபயோகிக்க மிகவும் சுலபமானது. இதன் மூலம் பாதுகாப்பாக நமக்கு தேவையான கோப்புகளை சேமித்து கொள்ள முடியும். வைரஸ் பாதிக்கும் என்ற கவலையே வேண்டாம். இதன் மூலம் நமக்கு தேவையான பைலை நாம் lock செய்தும் வைத்து கொள்ளலாம்.

மேலே கூறிய நான்கு மென்பொருட்களும் உங்கள் பென்ட்ரைவை பாதுகாக்க உதவுகின்றன. தரவிறக்கி கொள்ளுங்கள் கண்டிப்பாக பயனுள்ளதாக இருக்கும்.

 

நாற்பது வயதில்தான் செக்ஸ் வாழ்க்கை இனிக்கிறது-சர்வே

நாற்பது வயதில்தான் வாழ்க்கை ஆரம்பிக்கிறது என்று சொல்வார்கள். அது உணமைதான். குறிப்பாக செக்ஸ் வாழ்க்கையில் இந்த வார்த்தை மிகமிக பொருத்தானது என்கிறார்கள் இங்கிலாந்து ஆய்வாளர்கள்.

நாற்பது வயதில் இருக்கும் ஆண்களுக்கும் சரி, பெண்களுக்கும் சரி செக்ஸ் வாழ்க்கை மிகச் சிறப்பாக இருக்கிறதாம். குறிப்பாக பெண்களின் செக்ஸ் வாழ்க்கை நாற்பது வயதில்தான் படு பிரமாதமாக இருக்குமாம்.

இதற்காக 40 வயதுகளை எட்டிய ஆண் மற்றும் பெண்களை வைத்து ஒரு ஆய்வு நடத்தியுள்ளனர். அதில் பெரும்பாலான ஆண், பெண்களின் செக்ஸ் வாழ்க்கை சிறப்பாக இருப்பது தெரிய வந்ததாம்.

மொத்தம் 2000 பெண்களிடம் சர்வே நடத்தப்பட்டது. இவர்களில் பெரும்பாலானோர் உடல் அழகு குறித்து அதிகம் ஆர்வம் காட்டுவதில்லை என்று தெரிவித்துள்ளனர். அதேசமயம், செக்ஸ் வாழ்க்கையில் இவர்களுக்கு நிறைய ஆர்வம் இருக்கிறதாம்.

இவர்களில் 80 சதவீதம் பேர், தாங்கள் இளம் வயதில் அனுபவித்த செக்ஸ் வாழ்க்கையை விட தற்போது மிகச் சிறந்த முறையில் அனுபவித்து வருவதாக குறிப்பிட்டுள்ளனர்.

60 சதவீதம் பேர் முன்பை விட தற்போது தங்களுக்கு செக்ஸ் வாழ்க்கையில் நல்ல அனுபவம் இருப்பதாகவும், சிறப்பாக செய்ய முடிவதாகவும் தெரிவித்துள்ளனர்.

இதுகுறித்து ஆய்வை நடத்திய ஆய்வாளர்கள் கூறுகையில், 40 வயதில்தான் செக்ஸ் வாழ்க்கையில் அனைவருக்கும் ஒரு உச்ச நிலை ஏற்படுகிறது. குறிப்பாக பெண்களுக்கு இந்த வயதில்தான் செக்ஸ் ஆர்வம் உச்சத்தில் இருக்கும். கல்யாணமான புதிதில் இருந்ததை விட இந்த வயதில் நிறைந்த ஆர்வத்துடனும், வேகத்துடனும் அவர்கள் இருப்பார்கள்.

இதற்கு முக்கியக் காரணம், திருமணமான இளம் வயதில் செக்ஸ் குறித்த கூச்சம், வெட்கம் பலருக்கு இருக்கிறது. முழுமையான தெளிவும் பலருக்கு இருப்பதில்லை. இதனால் அப்போது முழுமையான அனுபவத்தை அவர்களால் அடைய முடிவதில்லை. ஆனால் 40 வயதுகளைத் தொட்ட அல்லது தாண்டிய பெண்களுக்கு இது முற்றிலும் நீங்கி விடுகிறது. தங்களது கணவர்களிடம் அல்லது பார்ட்னர்களிடம் செக்ஸ் குறித்துப் பேச அவர்களுக்கு தயக்கம் இருப்பதில்லை. இன்னும் சொல்லப் போனால் தங்களுக்குப் 'பிடித்தமானதை' கேட்டு வாங்கும் பக்குவமும் அவர்களுக்குக் கை கூடி விடுகிறது என்கின்றனர்.

அதேசமயம், 30 வயதுக்குட்பட்ட பெண்களில் ஐந்தில் ஒருவருக்கு படுக்கை அறையில் பெரிய அளவில் திருப்தி ஏற்படுவதில்லை என்றும் ஆய்வாளர்கள் தெரிவித்துள்ளனர்.

40 வயதைத் தாண்டிய பெண்களில் 68 சதவீதம் பேருக்கு எந்த 'டெக்னிக்'கைக் கையாண்டால் அதிக சுகம் கிடைக்கும் என்ற விவரம் தெளிவாக தெரிந்திருக்கிறதாம். எப்படி செயல்பட்டால் அதிக இன்பம் கிடைக்கும், எந்த முறையில் செயல்பட்டால் சிறப்பாக இருக்கும் என்பதிலும் இவர்கள் கில்லாடிகளாக இருக்கிறார்களாம்.

58 சதவீதம் பெண்கள் கூறுகையில், திரு்மணமான புதிதில் தாங்கள் செக்ஸில் சிறப்பாக ஈடுபட்டபோதிலும், தற்போது மிகுந்த நிபுணத்துவத்துடன் இன்னும் சிறப்பாக, முழுமையாக செயல்பட முடிவதாக தெரிவித்துள்ளனர்.

திருமணமான புதிதில், குழந்தை பிறந்த பின்னர் தாங்கள் செக்ஸ் வாழ்க்கையி்ல் மும்முரமாக ஈடுபட வாய்ப்புகள் கிடைப்பதில்லை, எனவே தற்போது ரிலாக்ஸ்டாக அதில் ஈடுபட முடிவதாக பெரும்பாலான பெண்கள் தெரிவித்துள்ளனர்.

ஆய்வில் ஈடுபட்டவர்களில் ஒருவர் கூறுகையில், குழந்தைகள் வளர்ந்து பெரிதான நிலையில் செக்ஸ் வாழ்க்கையில் ஈடுபடும் பெண்களுக்கும் சரி, ஆண்களுக்கும் சரி நிம்மதியான, அவசரம் இல்லாத உறவுக்கு நிறைய நேரம் கிடைக்கிறது. அவர்களுக்கு மனதளவில் மிகுந்த நம்பிக்கை ஏற்படுகிறது. எனவேதான் முன்பை விட சிறப்பான செக்ஸ் உறவில் அவர்களால் ஈடுபட முடிகிறது.

எங்களது ஆய்வைப் பொறுத்தவரை, 40 வயதுகளில் உள்ள பெண்கள், குறிப்பாக திருமணமான பெண்கள், சிறந்த செக்ஸ் வாழ்க்கையை அனுபவிக்கின்றனர். அதேசமயம், தங்களது செக்ஸ் வாழ்க்கை குறித்த இளம்வயதினர் சற்று கேலியாக பார்ப்பதாக அவர்கள் வருத்தப்படவும் செய்கின்றனர். செக்ஸ் வாழ்க்கையின் சிறப்பை இளம் வயதினர் சரிவர புரிந்து கொள்ளாததே இதற்குக் காரணம் என்பது அவர்களின் கருத்து என்கிறார்.

நாற்பதில்தான் வாழ்க்கை தொடங்குகிறது என்ற வார்த்தைப் பிரயோகம் உண்டு என்ற போதிலும், நாற்பதில் நாய்க்குணம் என்ற பழமொழியும் நம்மூர் பக்கம் உண்டு. அதாவது நாற்பது வயதானால் முறைகேடான பாதைகளில் செல்லத் துடிக்கும் மனது என்பதை சுட்டிக் காட்ட இந்த பழமொழி வந்தது. எதையும் முறையாக, சரியாக, முழு மனதோடு செய்தால் நிச்சயம் அது சிறப்பாகவே இருக்கும் என்பதை மனதில் கொண்டால் இந்த வயதுதான் என்றில்லாமல் எந்த வயதிலும் இன்பமாக இருக்கலாம்.